Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Ngjarjet kriminale në Shkodër, Ademi: Më ka vrarë shumë deklarata e ministrit

Nga A2 CNN
4 Prill 2019, 21:11 | Politikë
Ngjarjet kriminale në Shkodër, Ademi: Më ka vrarë shumë

Kryetarja e Bashkisë së Shkodrës, Voltana Ademi, iu rikthye edhe një herë debatit që pati më 1 prill me drejtorin e Policisë së Shtetit, Ardi Veliu, gjatë një takimi për prezantimin e Prefektit të ri të qarkut. Ademi u shpreh se ngjarja e fundit në Shkodër, ku u vranë dy vëllezërit Bilali, mund të ishte parandaluar, pasi në qytet po vriteshin njerëz të pafajshëm. “Mendoj që ishte më e pakta që mund të thosha. Gjeta një moment dhe me qetësi dhe shumë korrektesë e përgjegjshmëri, sepse dikush duhet të flasë. Ishte e vlefshme që të paraqisja një shqetësim qytetar”, tha Ademi.

https://a2news.com/2019/04/01/ademi-veliu-debat-per-krimin-ne-shkoder-njerez-te-pafajshem-kane-ngrene-plumbin/

“Ajo që më shqetësoi janë pikëpyetjet lidhur me përgjegjshmërinë mbi atë që ndodh, që nuk vihet re. Më ka vrarë shumë deklarata e ministrit, prandaj kam thënë se nuk mund ta lëmë situatën të precipitojë drejt larjes së hesapeve”, shtoi ajo.

Kryetarja e Bashkisë konfirmoi se në qytet ka presion dhe këtë e kanë ndjerë edhe drejtuesit lokalë. “Nuk ka ndodhur që brenda gjashtë muajsh të kemi dhjetëra ndryshime drejtuesish pa shkak. Kjo që po them, në Shkodër e dinë të gjithë. Për këtë duhet të marrin hapat e veta, Policia, Prokuroria dhe Gjykata. Edhe unë vetë nga politika ndjehem e kërcënuar përditë, mjafton të shohësh deklaratat edhe të Kryeministrit. Pushteti vendor nuk funksionon si ishull më vete, por pjesë e administratës shtetërore”, u shpreh Ademi.

A2 CNN Livestream

Dita jonë