Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

Panucci për “Gazzetta”: Te Shqipëria nuk na përshtateshin idetë e profesionalizmi

Nga A2 CNN
6 Prill 2019, 13:05 | Futboll
Panucci për “Gazzetta”: Te Shqipëria nuk na

Është bërë e modës, që sa herë largohen nga Shqipëria, trajnerët e huaj thonë atë që nuk e kanë shprehur asnjëherë gjatë periudhës kur punonin në vendin tonë.

Edhe Christian Panucci nuk bën përjashtim. Afro dy javë pas shkarkimit nga stoli i Kombëtares, ish-trajneri tregoi për italianen “Gazzetta dello Sport”, ato që, sipas tij janë arsyet e dështimit në stolin kuqezi.

“Tepër lojtarë luanin pak në ekipet e tyre dhe së fundmi ishte shumë e lodhshme të kishim të përbashkëta në ide dhe profesionalizëm”, deklaroi Panucci, i cili shtoi se: “U bë e vështirë të përcillja dhe të praktikoja futbollin që kam në kokë, megjithatë asnjë peng. Ishte një eksperiencë fantastike dhe do ti them gjithmonë ‘faleminderit’ Shqipërisë”.

Një goditje poshtë brezit, në mijëra kilometra distancë, nga trajneri që me statistika ishte ndër më të dobëtit që kanë punuar ndonjëherë në stolin e Kombëtares.

A2 CNN Livestream

Dita jonë