Për kreun e deputetëve socialistë, Taulant Balla, situata në të cilën ndodhet sot opozita lidhet me faktin se ajo është e frikësuar nga zgjedhjet e ardhshme vendore. “Më i frikësuari është Basha, i cili rrezikon të përballet me humbjen e tretë radhazi, çka do i hapte probleme serioze brenda në parti”, thotë Balla.
Sipas tij, kjo është arsyeja që opozita është e gatshme të bëj çdo gjë, duke përfshirë aktet e dhunshme dhe bojkotin përfundimtar të institucioneve. Këto deklarata Balla i bëri pas takimit me Sekretarin e Përgjithshëm të Internacionales Socialiste Luis Ayala, në Doha, Katar.