Kërkesa e Parlamentit holandez për rikthimin e vizave shqiptarëve, për mazhorancën është një kartë e politikes ekstremiste vendase. Të pyetur nga A2 CNN, socialistët kanë bindjen se Komisioni Europian, do ta rrëzojë atë.
Pavarësisht kësaj, mazhoranca nuk e përkthen votimin e Parlamentit Europian si një “Jo” përfundimtare për negociatat në qershor.
Holanda ka qenë një ndër tre vendet më skeptike për çeljen e negociatave për Shqipërinë vitin e kaluar. Ndërkohë vota e fundit në Parlamentin holandez duket si një sinjal i qartë që edhe këtë vit Holanda do të jetë skeptike. Kjo për shkak se do të ishte e vështirë të besohej se një vend që kërkon rikthimin e vizave me Shqipërinë, do të dëshironte edhe hapjen e negociatave të saj me Bashkimin Europian.