Mes merkatos dhe golave, Kastriot Dermaku vendimtar

Nga zërat e merkatos për interesimin e gjigandëve turq të Besiktas, por edhe nga Torino e Bologna në elitën e futbollit italian, te protagonizmi në fushë. Kastriot Dermaku ka qenë një prej lojtarëve më të spikatur të këtij sezoni në Serie B dhe mbrojtësi u konfirmua.

27-vjeçari kuqezi shënoi në fitoren 1-0 të skuadrës së tij, Cosenza, përballë Spezia-s, ndërsa mbante edhe shiritin e kapitenit në krah. Ky ishte goli i parë për mbrojtësin kuqezi në Serie B, një rrjetë mjaft e veçantë, edhe sepse me suksesin e arritur skuadra kalabreze siguroi mbijetesën.