Japonia gjithmonë e më shumë po shndërrohet në një partner i interesuar mbi rritjen e kapaciteteve të infrastrukturës dhe ekonomisë shqiptare. Në veçanti, duket sikur fokusi i tyre në Shqipëri po përqendrohet kohët e fundit tek rimëkëmbja e bujqësisë në vend.
Në një event të organizuar dje në selinë e FEDInvest ku morri pjesë Ministria e Financave dhe Ekonomisë dhe Anila Denaj si dhe ambasadori i Japonisë në Shqipëri Makoto Ito, si dhe përfaqësues të ndryshëm të Bankës së Shqipërisë dhe të Agjencia Japoneze për Bashkëpunim Ndërkombëtar (JICA), u prezantua sistemi i ri bankar i FedInvest, i rinovuar nga mjetet teknologjike të dhuruara nga Japonia, me vlerë 890 mijë euro.
Në eventin u prezantuan edhe hapat e mëtejshëm që do të ndihmojnë rreth 50 mijë fermerë të vegjël në aktivitetin e tyre, duke ndihmuar përfshirjen e tyre në shërbimet financiare. Një sfidë në vete, në një vend ku vetëm 38% e njerëzve mbi 18 vjeç kanë një llogari bankare.
"Përfshirja e Financiare e Familjeve të Vogla në Shqipëri”, financuar nga JICA, do të zgjasë për 4 vite me një buxhet që kalon 4 milion euro.