Atalanta e shqiptarëve Berat Gjimshiti dhe Etrit Berisha është duke finalizuar një sezon të jashtëzakonshëm. Tashmë skuadra e drejtuar nga Gasperini ka siguruar biletën e finales së Kupës së Italisë pasi mposhti në ndeshjen e kthimit 2-1 Fiorentinën.
Takimi i parë mes dy skuadrave ishte mbyllur në barazim 3-3, ndërsa në stadiumin “Atleti Azzurri”, vendasit triumfuan me një rezultat të ngushtë, por që ishte i mjaftueshëm për të siguruar finalen, ku i pret Lazio.
Fiorentina shënoi që në minutën e 3-të me Muriel, por Atalanta gjeti forca dhe fillimisht me Ilicic e në pjesën e dytë me Gomez, përmbysi rezultatin.
Berat Gjimshiti ishte një nga më të mirët në këtë ndeshje për skuadrën e tij, ndërsa Berisha qëndroi në stolin e rezervave.