Përgjatë 10 ditëve të fundit Policia e Shtetit ka arrestuar 2 persona që nxisnin terrorizmin dhe kjo është përkthyer në mirënjohje dhe përkrahje nga SHBA-të.
E ngarkuara me punë e ambasadës amerikane në Tiranë, Leyla Moses-Ones, hapi një seminar trajnues dyditor për specialistët shqiptarë të Antiterrorit për sa i përket përdorimit terrorist të teknologjisë. Ajo vlerësoi rolin e policisë shqiptare në këtë aspekt. Ndërsa drejtori Veliu shpjegoi disa detaje nga tema e trajnimit.
Para pak ditësh, në Krujë u arrestua një 29-vjeçar, sepse bënte thirrje terroriste në rrjete sociale, ndërsa u ekstradua në Itali një 28-vjeçar nga Elbasani, që kërkohej për propagandë ndaj organizatave terroriste.