Valtteri Bottas dhe Lewis Hamilton siguruan vendin e parë dhe të dytë në provat zyrtare të Çmimit të Madh të Azerbajxhanit duke lënë mbrapa Sebastian Vettel në vend të tretë, ndërsa Charles Leclerc përplasi Ferrari-n e tij pas murit, në një të shtunë kaotike në Baku.
Francezi ishte mjaft i shpejtë dhe dukej se do të merrte vendin e parë, por gaboi në kualifikuesen e dytë dhe tashmë do të niset në vend të nëntë të dielën. “U tregova budalla”, u dëgjua të thoshte ai në radio, ndërsa më pas në rrjetet sociale shkroi: “Nuk ka justifikim. Do të bëj maksimumin nesër”.
Edhe Robert Kubica u përplas me murin, fatmirësisht pa lëndime, por shumë pilotë të tjerë vetëm sa u fërkuan me murin në rrugët e ngushta të pistës. I gjithë kaosi favorizoi dy pilotët e Mercedes, të cilët për të katërtën garë radhazi ndajnë vendin e parë dhe të dytë në nisje, me Bottas dhe Hamilton që luftuan fort për vendin e parë deri në fund.