Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Edhe “Rambo” bën sherr për një vend parkimi

Nga A2 CNN
27 Prill 2019, 19:34 | Showbiz

Sylvester Stallone është fotografuar të premten duke bërë sherr me një grua për një vend parkimi në Los Anxhelos. Aktori 72-vjeçar doli nga makina e tij tip Mercedes tepër i xhindosur dhe iu drejtua duke u përfshirë në një debat të nxehtë. Në fund, ajo u largua dhe “Rambo” (ose “Rocky”) mundi të parkonte makinën e tij.

Kjo është hera e dytë në një javë që Stallone përfshihet në një debat për parkimin. Të mërkurën atij iu desh të qetësonte një polic i cili ishte duke e gjobitur pasi kishte parkuar gabim makinën, duke u larguar për t’u futur në një dyqan bizhuterish po në Los Anxhelos. Por arriti t’i shpëtonte gjobës duke shtrënguar duart me policin, i cili me siguri do të ketë qenë një fans i aktorit të filmave aksion.

Seria e pestë e “Rambo”-s pritet të dalë në kinema në shtator 2019, 37 vjet pas filmit të parë. Stallone luan protagonistin, John Rambo, një veteran i luftës në Vietnam, bazuar në romanin “First Blood”, shkruar në vitin 1972 nga David Morrell.

A2 CNN Livestream

Debat - nga Alba Alishani