“Ndryshimi i kufijve të Ballkanit u varros në Berlin”

Genc Pollo, ish-deputeti i PD, ka reaguar në lidhje me Samitin e mbajtur një ditë më parë në Berlin, duke u shprehur me anë të një postimi në “Facebook”, se ky samit e “varrosi idenë e ndryshimit të kufijve të Ballkanit.

“Samiti i Berlinit pati një konkluzion të qartë: Bashkimi Europian me një zë unik, të qartë e të fortë refuzon ndryshimin e kufijve në Ballkan, përkatësisht copëtimin e Kosovës. Kjo ide antieuropiane e luftënxitëse e Ramës, Thaçit e Vuçiçit u varros në Berlin. Faleminderit kancelares Merkel por edhe Presidentit. Macron që marrin përgjegjësi për të korrigjuar papërgjegjshmëritë e treshes ballkanike”, shkruan Pollo.

Më tej, ai shkruan se në këtë Samit u konfirmua se nuk ka negociata në qershor për Shqipërinë. “Por edhe konfirmimi i një lajmi të keq: nuk ka vendim për negociata në qershor për shkak të korrupsionit e krimit në Shqipëri. Rama tërheq pas vetes edhe Zaevin”, shkruan Pollo.

Shkarkoni aplikacionin e A2