Teuta në basketboll për meshkuj ka hedhur hapin e parë drejt titullit kampion. Durrsakët mposhtën në finalen e parë derbi Goga Basket në shifrat e ngushta 88-84.
Salla e lojërave me dorë “Dhimitraq Goga” ishte e mbushur përtej kapaciteteve me sportdashësit e shumtë që dhuruan një atmosferë të jashtëzakonshme përgjatë ndeshjes.
Kevin Alen i Goga Basket ishte pikëshënuesi më i mirë i takimit me 29 pikë ndjekur nga Hysenagolli i Teutës me 20 dhe amerikani Uillson me 18 pikë.
Takimi i dytë final luhet ditën e mërkurë në orën 18:00 në pallatin e sportit “Ramazan Njala” në Durrës.