Liverpool ka realizuar një përmbysje që do të mbahet mend gjatë në Champions League, duke mposhtur 4-0 Barcelonën dhe duke marrë biletën e parë të finales.
Pakkush do ta kishte menduar se pas humbjes 3-0 në “Camp Nou”, Liverpooli do të gjente forca të reagonte ndaj Barcelonës në “Anfield”.
Megjithatë, pavarësisht edhe mungesës së Salah, por me Shaqirin në fushën e lojës, Liverpool shkërmoqi Barcelonën e Lionel Messit 4-0.
Goli i parë u shënua nga Origi që me nisjen e ndeshjes, ndërsa Wijnaldum ishte autor i dy golave brenda dy minutave në pjesën e dytë. Goli i dytë u shënua pas një krosimi perfekt të Xherdan Shaqirit.
Ndërkohë, Origi shënoi edhe golin e katërt në minutën e 79, duke vulosur përmbysjen e madhe.
Tashmë, “The Reds” janë në finale të Champions League për të dytin vit radhazi.