Ministrja Xhaçka ndërpret vizitën në Itali, në mesdite me ushtarakët në Letoni

Ministrja e Mbrojtjes Olta Xhaçka ka ndërprerë vizitën e saj zyrtare në Itali për të shkuar në Letoni për të vizituar efektivët e plagosur dje në ngjarjen tragjike, ku humbi jetën nëntetarja Hasanaj.

Ministrja e Mbrojtjes duhet të takonte sot  kryeministrin Giuseppe Conte si dhe homologen Elisabetta Trenta, por pas ngjarjes ka vendosur t’i drejtohet Letonisë ku rreth mesditës  do të vizitojë dy efektivët e plagosur dhe më pas do të udhëtojë drejt bazës ushtarake ku gjendet kontingjenti shqiptar.

Pikërisht në bazën në fjalë, Camp Adazi, sot në mëngjes u zhvillua edhe një ceremoni në kujtim të Zarife Hasanajt.

Shkarkoni aplikacionin e A2