Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Përplasja me policinë, arrestohet Klevis Balliu

Nga A2 CNN
7 Maj 2019, 19:39 | Kronikë

I shoqëruar në polici rreth orës 11:00 të paradites së të martës pas pengimit të kalimit të eskortës së Kryeministrit Rama, ish-deputetit të PD, Klevis Balliu i është prerë pasdite fleta e arrestit.

Mësohet se ai do të dalë për masën e sigurimit në gjykatë po ashtu si edhe personat e tjerë të arrestuar nga policia këtë të martë.

Momentet e tensionit paradite te Unaza e Re kanë qenë të shumta, ndërsa protestuesit kanë qëlluar me gurë në drejtim të policisë. Balliu u pa të dilte nga dritarja e furgonit të policisë duke i bërë thirrje njerëzve që të mos largoheshin ndërsa tha që do të vijojë të mbështesë protestën e banorëve sikurse ka bërë prej disa muajsh.

Me anë të një deklarate, vetëm pak momente pas prerjes së fletës së arrestit për ish-deputetin demokrat, policia ka bërë të ditur se gjatë tubimit te Unaza e Re janë plagosur 4 punonjës policie.

“Një grup protestuesish kanë goditur me sende të forta duke plagosur 4 punonjës policie, 3 nga forcat "Shqiponja" dhe 1 nga FNSH. Efektivët e Policisë po marrin ndihmë mjekësore në Spitalin e Traumës në Tiranë dhe janë jashtë rrezikut për jetën”, thotë policia.

Në përditësim…

A2 CNN Livestream

Debat - nga Alba Alishani