Sondazh: Destinacionet e fundjavave tuaja janë:
  • Bregdeti 67%
  • Zonat malore 17%
  • Qendrat historike 17%

Rama i përgjigjet Haradinajt: Sa pa dalë Facebook, budallain e njihte vetëm shtëpia e vet

Nga A2 CNN
8 Maj 2019, 18:17 | Kosova
Rama i përgjigjet Haradinajt: Sa pa dalë Facebook, budallain e njihte

Kryeministri i Kosovës, Ramush Haradinaj lëshoi gjatë ditës akuza të forta ndaj Presidentit të Kosovës, Thaçi, dhe Kryeministrit Rama, duke thënë se nën mbikëqyrjen e Federica Mogherinit kanë diskutuar ndarjen e Kosovës me Presidentin Serb, Vucic.

https://a2news.com/2019/05/08/dialogu-kosove-serbi-rama-mogherini-nuk-ka-asnje-plan-apo-komplot/

Por ndërsa përfaqësuesja e lartë e BE mohoi përfshirjen në një diskutim të tillë, duke pranuar gjithsesi se objektivi i arritjes së një marrëveshjeje ka qenë i vështirë, Rama iu përgjigj më ashpër.

https://a2news.com/2019/05/08/haradinaj-akuza-te-forta-thaci-rama-dhe-vucic-diskutuan-per-ndarjen-e-kosoves/

“Për sa i përket komplotit për të copëtuar Kosovën dhe krijuar në mënyrë të fshehtë një hartë të re të botës, më kujton atë shprehjen “sa pa dalë Facebook, budallain e njihte vetëm shtëpia e vet”. Sot jetojmë në një botë që nga kjo pikëpamje është fatkeqe dhe porosia e një manuali të agjitacionit nazist që thoshte “nëse do që gënjeshtrën tënde ta besojnë, bëje të pabesueshme”, është në përdorim të përditshëm për të goditur kundërshtarë e për të sulmuar njerëz”, u shpreh Kryeministri.

https://a2news.com/2019/05/08/vucic-mund-te-me-vrisni-por-kosoven-nuk-e-njoh/

“Nëse ka budallenj se një proces që përfshin të gjitha shtetet e botës mund të bëhet fshehurazi nga disa persona dhe të kalojë në gjithë këtë proces që thashë si miu nën mustaqe, atëherë kjo botë ka marrë fund. Por unë besoj se çdo shqiptar e kupton që kjo është e gjitha një gënjeshtër e bërë aq e pabesueshme që pikërisht që të mund të shitet e blihet në territorin e marrëzisë online. Më shumë do ta shpjegoj më tutje kur të më jepet mundësia”, shtoi ai.

A2 CNN Livestream

Debat - nga Alba Alishani