Destinacionet “low cost” rrisin ndjeshëm numrin e pasagjerëve

Me shtimin e destinacioneve të reja me kosto të ulët është rritur ndjeshëm edhe fluksi pasagjerëve gjatë muajit mars të këtij viti. Sipas të dhënave të Autoritetit të Aviacionit Civil, trafiku ajror ka shënuar rritje me 10% krahasuar me po të njëjtën periudhë të vitit 2018, e barabartë me mbi 212 mijë pasagjerë.

Me 58% të totalit, Italia vijon të zotërojë edhe përqindjen më të madhe në tregun e transportit ajror për muajin mars. Ndërkohë, sipas të dhënave statistikore në vend të dytë në listë renditet Turqia e cila ka ‘rrëmbyer’ 11% të tregut të pasagjerëve, ndjekur nga Hungaria dhe Austria me 6%.