Basha-Ramës: Në rastin më të mirë, do të kesh fatin e Gruevskit

“Plani i Ramës është të godasë, të shkurajojë qytetarët”, kështu u shpreh ndër të tjera në bashkëbisedimin me gazetarët kreu i PD, Lulzim Basha, ku tha se paralajmëron Ramën të bëjë kujdes.

Ai u shpreh se fati më i mirë që e pret Kryeministrin është ai i Gruevskit, kur tha se po përdor blindat ndaj qytetarëve shqiptarë.

“Me të vërtetë ai e ka shumë të vështirë, ndoshta të pamundur, për paktin që ka bërë me ata që e kanë sjellë në pushtet. I them të mendojë mirë kur përdor blindat ndaj shqiptarëve. Mendohu mirë se fati më i mirë do të jetë ai i Gruevskit”, tha Basha.