Shenjat e përplasjes së ditës së shtunë janë të dukshme në godinën e Kryeministrisë, po aq sa janë të dukshme edhe në ballkonin e Kryesisë së Kuvendit.
Zyra e Niko Peleshit, kryetarit të Komisionit të Veprimtarive Prodhuese, mori flakë si pasojë e bombave Molotov dhe dy ditë më pas shenjat janë sërish të dukshme.
Vetëm pak orë përpara protestës së radhës së opozitës së bashkuar, puna në Kryesinë e Kuvendit vazhdon normalisht.
Ndërkohë jashtë duken edhe kangjellat e vendosur te Kryeministria, për të mbrojtur këtë institucion.
Brenda Kryesisë së Kuvendit deputetët punojnë me ligjet, ndërsa jashtë opozita po instalon foninë për protestën e pasdites.