Romeo Gurakuqi: Partia Socialiste operon me metoda tipike fashiste

Ish-deputeti i Partisë Demokratike, Romeo Gurakuqi, i ftuar në emisionin “Dita Jonë” shpjegoi se vendimi i djegies së mandateve nga opozita “u mor në kushtet e një regjimi autoritar”.

“Shqipëria është ballafaquar me një model antikushtetues, ku kryeministri i ka kapur të gjitha pushtetet. Unë i kam bërë thirrje prokurorisë ta hetojë, por nuk e ka bërë një gjë të tillë”, deklaroi Gurakuqi.

“Në selitë zonale të PS-së në Tiranë operohet me metoda tipike të fashizmit. Nën etiketën e socialistëve, gangsterët e futur brenda partive nuk ia ndryshojnë thelbin këtyre individëve. PS-ja është e mbushur me njerëz të tillë”, shtoi ish-deputeti.

Gurakuqi theksoi se duhet një qeveri e mandatuar për 9 muaj që të realizohen reformat: “Është momenti për të krijuar një qeveri të tranzicionit të elitës intelektuale me një këshill kushtetues që të jetë në gjendje ta këshillojë qeverinë”.

Shkarkoni aplikacionin e A2