33 vjet në burg për vrasje, prokurorët thonë se është i pafajshëm

Një burrë i dënuar me 33 vjet burg për vrasjen dhe përpjekjen për të përdhunuar një 14-vjeçare rezulton se është i pafajshëm. Kjo ka qenë deklarata e prokurorëve në Long Ajlënd, të cilët kanë paraqitur në Gjykatë kërkesën për anulimin e vendimit.

Keith Bush tani do të dalë në seancë për të kërkuar zhvlerësimin e vendimit të marrë në vitin 1976, ku ishte shpallur fajtor për sulmin dhe vrasjen e Sherese Watson në një festë, në janar të vitit 1975. Prokurorët zhvilluan një hetim të ri për nëntë muaj dhe dolën në përfundimin se Bush ishte i pafajshëm.

Edhe pse e ka pranuar krimin në një deklaratë të cilën thotë se e ka firmosur nën presion, Bush gjithmonë ka pretenduar se është i pafajshëm. Pasi kaloi 33 vjet në qeli, Bush vendosi të apelonte çështjen dhe hetuesit zbuluan se prokurorët e atëhershëm të çështjes kishin edhe një të dyshuar të dytë, i cili nuk ishte përmendur kurrë në seancat gjyqësore.

Ndërsa një dëshmitare kyçe që kishte treguar në gjykatë se kishte parë Bush-in të largohej nga festa me Watson, katër vjet më pas pranoi se kishte gënjyer dhe se nuk kishte qenë fare aty.

Shkarkoni aplikacionin e A2