Zgjedhjet e 30 qershorit, mbërrin ekipi i OSBE-ODIHR, i drejtuar nga Glover

Mbulim Glover OSBE frame 317 1100x620

Ka mbërritur në Shqipëri, misioni i OSBE-ODHIR që do të vëzhgojë procesin zgjedhor të 30 qershorit. Misioni i drejtuar nga Audry Glover ka nisur takimet në kuadër të monitorimit të zgjedhjeve.

Paraditen e së enjtes, vëzhguesit kanë takuar anëtarët e Komisionit Qendror të Zgjedhjeve, ku anëtarët i bënë ekipit vëzhgues një panoramë të shkurtër të përgatitjeve të deritanishme për procesin e zgjedhjeve.

Burime të A2 CNN konfirmojnë se misioni do të ketë takime edhe me përfaqësues të partive politike të mazhorancës dhe opozitës.

Kjo nuk është hera e parë që Audry Glover është pjesë e ekipit vëzhgues të OSBE për zgjedhjet. Ajo ka monitoruar zgjedhjet në 1996 dhe në 2009.

ODIHR do të ketë 18 vëzhgues afatgjatë që do të monitorojnë zgjedhjet në Shqipëri.