Roshi mbetet në Rusi, rinovon edhe për 3 vite

Pavarësisht dëmtimeve që e kanë shoqëruar gjatë sezonit të fundit, mesfushori i Kombëtares shqiptare të futbollit, Odise Roshi, ka bindur drejtuesit e skuadrës ruse të FC Akhmat Grozny për të rinovuar kontratën edhe për 3 vitet e ardhshme.

Lajmi është bërë i ditur nga klubi rus me anë të një postimi në Twitter. “Odise Roshi do të jetë edhe për 3 vitet e ardhshme pjesë e klubit. Nënshkruam një kontratë të re 3-vjeçare”.

Roshi u transferua në vitin 2016 te Akhmat Grozny, ndërsa në sezonin e fundit mundi të aktivizohet vetëm në 12 ndeshje pasi pësoi një dëmtim të rëndë.

Shkarkoni aplikacionin e A2