Napoli vendos çmimin për Hysajn, në garë edhe nënkampionët e Spanjës

hysaj

Mbrojtësi i Kombëtares shqiptare, shkodrani Elseid Hysaj duket gjithnjë e më shumë larg Napolit për sezonin e ardhshëm.

Pak ditë më parë, mediat italiane e lidhën të ardhmen e mbrojtësit shqiptar me atë të trajnerit Sarri, ndërsa tashmë “Tuttosport” shkruan se Napoli i ka vendosur çmimin 40 milionë euro, ndërsa në garë është futur edhe skuadra e Simeones, Atletico Madrid.

Sipas burimeve të medias italiane, Chelsea dhe Atletico Madrid janë të dy të interesuar të arrijnë marrëveshjen gjatë kësaj merkatoje vere.

Hysaj u largua nga Empoli për te Napoli në vitin 2015 dhe deri tani ka bërë 173 paraqitje me klubin në të gjitha garat, ndërsa nuk ka mundur të shënojë asnjë gol.