Edhe pse në lobime ndërkombëtare
i është bashkuar mazhorancës muajin e fundit, Rudina
Hajdari vendosi shenjën e barazimit mes Edi
Ramës dhe Lulzim Bashës për dëmin që i
kanë shkaktuar vendit.
“Një njeri që bën ligji në emër të së mirës të
askujt, një njeri që varfëron të varfërit dhe pasuron të pasurit, një njeri që
sillet nëpër Evropë me disa reforma të paimplementuara dhe nga ana tjetër bën
tangon e Serbisë, sot ndihet më i dembelosur se kurrë, më i frikësuar se kurrë
nga partia e tij. A thua këta që janë jashtë Parlamentit sot duan t’ia dinë se
çfarë është integrimi për shqiptarët ku protestojnë çdo të shtunë para zyrës së
atij që është këtu”, deklaroi Hajdari.
Por, regresin që sheh Rudina Hajdari tek
qeveria, kryeministri Edi Rama ia
faturon opozitës jashtëparlamentare. Lutja për armëpushim e një dite më parë, në sallën e Kuvendit u kthye në
akuzë.
“Jo vetëm që nuk ka asnjë vullnet për të
bashkuar zërin me të gjithë ne që jemi këtu, është shumë e qartë që ka një
vendosmëri për të vijuar përpjekjen destructive”, theksoi Rama.
Ndërsa Taulant Balla jep garanci për hapje të
negociatave brenda vitit, opozitarët,
nëpërmjet Ralf Gjonit kërkojnë garanci për sigurinë
e 30 qershorit: “Nuk e di se si do ia bëni gjatë zgjedhjeve në 30 qershor, të
cilat duhet të bëhen, por kush do ta garantojë rendin publik në Shqipëri? Duam
të integrohemi në Evropë dhe një pjesë e madhe e partive që braktisën
Parlamentin kërcënojnë për prishje të rendit kushtetues”.