Një breshkë deti e llojit “Dermochelys Coriacea” është
gjetur e ngordhur mëngjesin e kësaj të enjte në Plazhin e vjetër në Vlorë. Breshka,
afro 50 kilogramë, ka dalë në breg të detit si pasojë e kushteve
atmosferike të rënduara dhe erës së fortë që fryn në drejtimin jugor.
Breshka kurrizlëkurore, siç quhet ndryshe, është shumë e
vecantë. Zakonisht, të tilla breshka nuk janë të pranishme në Adriatik.
Një prej problematikave të mëdha që i detyron ato të dalin në breg është ndotja që i bëhet detit. Trazimi i ujrave të zeza me ujrat e detit i bën breshkave të tilla të humbin drejtimin. Si edhe përqëndrimi i lartë i leshterikëve dhe algave të detit në këtë zonë, i bën breshkave të ngatërrojnë orientimin duke dalë në cektinë dhe më të ngordhin.