Gjatë deklaratës së bërë pas daljes nga Prokuroria, ku kallëzoi policinë për dhunën e ushtruar ndaj banorëve të Bregut të Lumit, ish-deputeti i Partisë Demokratike, Klevis Balliu zbuloi dhe një detaj për protestën e radhës kombëtare që opozita e bashkuar pritet të mbajë ditën e diel.
Ndërsa ftonte qytetarët që të bashkohen më 2 qershor, Balliu tregoi se ajo do të jetë një protestë revoltë masive që do të hyjë në histori.
“Thirrje çdo qytetari të na bashkohet më datën 2 Qershor, në një protestë revoltë masive dhe historike që do t’i japë Edvin Kristaq Ramës dhe të gjithë organizatës kriminale të Rilindjes atë çfarë i takon”, deklaroi ish deputeti Balliu para mediave.