“Sot kemi një tjetër lajm të hidhur”... Kështu e cilëson krye demokrati Lulzim Basha kërkesën zyrtare të Parlamentit holandez dorëzuar Komisionit Europian për rikthimin e vizave për shqiptarët.
Fajin për këtë figurë që bën vendi ynë në sytë e ndërkombëtarëve, Basha ia faturon Ramës. “Ky është turpi, ky është krimi i Edi Ramës dhe i bandës së tij të babëzitur”, u shpreh kreu i PD.
Gjate takimit me simpatizantët në zonën e ish-Kinostudios në kryeqytet, Basha foli edhe për problemet e biznesit. Ndërsa Rama, u shpreh ai, po shtron rrugë të florinjta për xhepat e tij dhe të bandave që e shoqërojnë, i bëri thirrje çdo shqiptari për t’iu bashkuar në proteste, si forma e vetme për të larguar të keqen. “98% e sipërmarrësve kanë një pyetje: kur do ta hidhni? Kur do ta rrëzoni? Përgjigjen po ua jap unë: ejani të dielën në orën 19:00, bëhuni pjesë e çlirimit të Tiranës dhe gjithë Shqipërisë”, tha Basha.
Edhe pse PD nuk është në fushatë elektorale, Basha shpalosi detaje nga programi ekonomik që selia blu ka si ofertë për shqiptarët.