Akuza të rënda nga Brazili në adresë të Neymar Jr. Një vajzë pretendon se kapiteni i “Seleçaos” e ka dhunuar seksualisht, pasi e ftoi ta takonte në Paris gjatë muajit maj.
Pas lajmit që tronditi të gjithë opinionin, reagoi sulmuesi i PSG duke mohuar menjëherë akuzat nëpërmjet një video-mesazhi të gjatë në Instagram.
Aty Neymar tregoi bisedat dhe fotografitë me sfond erotik që vajza i kishte dërguar për ditë me radhë, madje edhe pas takimit.
“Akuzohem si përdhunues. Është një akuzë e rëndë dhe publikimi i bisedës private është i domosdoshëm për të treguar që nuk jam i tillë. Ishte një kurth ku unë rashë”, tha Neymar në mesazhin publik.