Qytetin kolumbian i Sutamarchan u ngjyros me të kuqe të dielën kur turistë e vendas qëlluan njëri tjetrin më domate si pjesë e traditës vjetore të njohur si 'Tomatina'. Një sasi e madhe domatesh u vu në dispozicion të pjesëmarrësve në aktivitetin e zhvilluar në një fushë, dhe bluzat e bardha u kthyen shpejt në të kuqe.
”Është spektakolare. Ne vijmë këtu për të shijuar këtë gjë. Gjithçka mund të ndodhë”, thotë Helmer, një nga turistët e shumtë që vijnë enkas.
"Po më pëlqen shumë. Të gjithë po zënë miq të rinj duke hedhur domate", shton japonezi Ryuya.
Zona, që gjendet 2 orë larg kryeqytetit Bogota, njihet për prodhimin e domateve dhe Tomatina është pjesë e festivalit që shënon fundin e sezonit të korrjes në rajonin bujqësor.
Organizatori i eventit, Heyner Suarez, tha se domatet e përdorura në luftë, janë të mbetura nga kultivimi. “Është një event që synon të mbështesë fermerët kolumbianë, ku në përdorim domate të papërshtatshme për konsum njerëzor”, thotë ai.