Komisioni i Pavarur i Kualifikimit konfirmoi në detyrë prokurorët e Krimeve të Rënda, Edvin Kondili e Ened Nakuçi, kandidatë për Prokurorinë e Posaçme Anti-Korrupsion, SPAK.
Prokurorët Kondili dhe Nakuçi, që së fundmi kanë pasur në duar përkatësisht dosjen e 613 kg kokainë dhe dosjen “Shullazi” rezultuan të pastër sa i përket pasurisë, figurës dhe aftësive profesionale.
Në vendimin e shpallur ndaj prokurorit Nakuçi, KPK urdhëroi transferimin e dosjes së tij në organin kompetent për inspektim nëse ka shkelje disiplinore në dy çështje të konstatuara nga Komisioni.
Konfirmimi në detyrë i tyre e çon në 5 numrin e kandidatëve të SPAK që kanë kaluar me sukses vettingun.