Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

PS nis mbledhjen e firmave për shkarkimin e Metës

Nga A2 CNN
10 Qershor 2019, 13:08 | Politikë
PS nis mbledhjen e firmave për shkarkimin e Metës

Partia Socialiste ka nisur të mbledhë firmat e deputetëve për të dërguar për votim në kuvend shkarkimin e Presidentit Ilir Meta.

Pas vendimit të marrë në mbledhjen e kryesisë këtë mëngjes, socialistët duhet të mbledhin tashmë firmat e ¼-ve të deputetëve, ose 35 të tillë.

https://a2news.com/2019/06/10/anuloi-zgjedhjet-meta-rrezik-real-per-tension/#utm_source=a2-related&utm_source=a2news&utm_campaign=general

Të enjten, socialistët paralajmëruan se do të ketë një diskutim të gjerë në kuvend ku do të parashtrojnë të gjithë argumentet e tyre pse Presidenti duhet shkarkuar dhe pse dekreti i tij i fundit, për shfuqizimin e dekretit që caktonte 30 qershorin si datë të mbajtjes së zgjedhjeve vendore, është i pavlefshëm.

Diskutimi pritet të mbyllet me një rezolutë për shkarkimin e Presidentit, që duhet të marrë 94 vota, çka do të thotë se shumicës do t’i duhen edhe votat e deputetëve të rinj të opozitës, dalë nga listat e Partisë Demokratike dhe Lëvizjes Socialiste për Integrim, pas djegies së mandateve.

https://a2news.com/2019/06/10/rama-ne-kryesi-asgje-nuk-na-ndal-rezolute-per-shkarkimin-e-presidentit/#utm_source=a2-related&utm_source=a2news&utm_campaign=general

Megjithatë, edhe nëse merr votat e duhura, vendimi i Kuvendit do të përfundojë në Gjykatën Kushtetuese, e cila për momentin nuk është funksionale, çka do të bëjë që deri në ngritjen e saj - dhe shqyrtimin e vendimit - Meta të vazhdojë të qëndrojë në detyrë.

A2 CNN Livestream

Ditari nga Bruna Çifligu