Një ngjarje e rëndë ka ndodhur ditën e sotme në fshatin Pet në Vlorë, ku është vrarë me armë zjarri administratori i njësisë Kote, ndërsa është plagosur edhe një 19-vjeçar.
Korrespondentja e A2 CNN ka mësuar se viktima është shtetasi Argjil Gjoka, i cili ka tentuar të neutralizojë një konflikt mes dy personash të tjerë, por ka mbetur i plagosur me armë zjarri.
Gjoka është dërguar me urgjencë në spital, por fatkeqësisht nuk ka mundur t’i mbijetojë plagëve të marra.
Policia po punon për zbardhjen e plotë të ngjarjes dhe arrestimin e autorëve.