Riatdhesohen 50 shqiptarë nga Franca, zv. ministrja: Përpjekjet për azil, të kota – A2

Riatdhesohen 50 shqiptarë nga Franca, zv. ministrja: Përpjekjet për azil, të kota

WhatsApp Image 2019 06 12 at 16.48.51 1100x620

Rreth 50 shtetas shqiptarë kanë mbërritur në aeroportin Nënë Tereza, pasi janë të gjithë riatdhesuar nga Franca.

Shtetasit, pjesa më e madhe prindër me fëmijë, janë kthyer me avion të posaçëm. Operacioni u zhvillua në bashkëpunim me policinë franceze, shtet ku iu është refuzuar kërkesa për azil.

Azilkërkues shqiptarë të kthyer nga Franca

Rasti i rikthimit të një numri të madh shtetasish i ofroi mundësinë zv. ministres të brendshme Rovena Voda të ritheksojë faktin se “çdo përpjekje për kërkim azili është e kotë, sepse Shqipëria është në listën e vendeve të sigurta” dhe se mundësitë për të emigruar jashtë shtetit duhet të kalojnë vetëm në rrugë ligjore.   

Zv ministrja e Brendshme Rovena Voda dhe Eduart Merkaj, Drejtori për Migracionin

Eduart Merkaj, Drejtori i Departamentit për Kufirin dhe Migracionin në Policinë e Shtetit ka theksuar se gjatë këtij 5 – mujori, fluturimet e riatdhesimit janë rritur me Francën, por edhe me shumë vende të tjera të BE-së.