Mes gjigantëve evropianë, Reali i Madridit është klubi më aktiv në merkaton e verës. Spanjollët afruan Luka Joviç për 60 milionë euro nga Eintrahti i Frankfurtit dhe Eden Hazard për 100 milionë euro nga Chelsea.
Sulmuesi, i cili ishte një prej zbulimeve të sezonit të kaluar në Bundesliga, u prezantua si blerja e parë e madrilenëve. Para se të zbriste për herë të parë në fushën e “Santiago Bernabeut”, gjatë daljes për mediat, 21-vjeçari Joviç deklaroi se dëshiron të fitojë gjithçka me Realin.