Ylli i Brazilit, Neymar, u paraqit në rajonin e policisë së Sao Paolos, për të dhënë versionin e tij rreth akuzave të përdhunimit.
Kapiteni i “Seleçaos” mohoi pretendimet e modeles braziliane, rreth abuzimit nga futbollisti, gjatë qëndrimit në një hotel në Paris.
Pasi doli nga rajoni i policisë, Neymar dha një deklaratë të shkurtër se dëshiron që kjo çështje të mbyllet sa më shpejt të jetë e mundur.
Ministria e Rendit e Sao Paolos njoftoi nëpërmjet një deklarate për shtyp se akuza e përdhunimit është dorëzuar zyrtarisht dhe hetimet po vijojnë.