Merkatoja e Realit të Madridit nuk ka të ndalur këtë verë për të harruar sezonin e kaluar nga i cili dolën pa asnjë trofe.
Madrilenët kanë zyrtarizuar afrimin e gjashtë në ekip i cili është japonezi Takefusa Kubo. Lojtari i Tokyo FC ka kushtuar 2 milionë euro dhe fillimisht do të dërgohet tek ekipi i dytë i “Los Blancos”.
Një ditë më parë Reali i Madridit prezantoi dhe “galaktikun” më të fundit, Eden Hazard të cilin e bleu nga ekipi i Chelsea për 100 milionë euro.
Deri tani, Reali ka shpenzuar 300 milionë euro në merkato duke vendosur rekord, teksa ka afruar Hazard, Joviç, Rodrygo, Mendy dhe Militao.