Sondazh: Si ka ndryshuar figura e babait në familje ndër vite?
  • Më i pranishëm me fëmijët 31%
  • Më i zënë në punë 38%
  • Ndihmon në shtëpi 31%

Rama: U sqarova me Presidentin e Maqedonisë së Veriut. Ai përpiqet për vendin e tij, Meta jo

Nga A2 CNN
16 Qershor 2019, 17:16 | Politikë
Rama: U sqarova me Presidentin e Maqedonisë së Veriut. Ai

Edi Rama zhvilloi takimin e radhës elektoral në Pustec, aty ku iu rikthye deklaratës së Presidentit të Maqedonisë së Veriut, i cili tha se kishtë bërë kërkesë që vendi i tij të ndahej nga Shqipëria në procesin e hapjes së negociatave me Bashkimin Evropian.

“Shqipëria është në një përpjekje për t’i shpëtuar një kurthi të ngritur nga brenda nga njerëz që nuk duan hapjen e negociatave. Unë dje bëra një prononcim për një tjetër mik të mirë, që është Presidenti i Maqedonisë së Veriut, lidhur me një deklaratë të bërë prej tij, që e lexova në mënyrë të nënkuptuar, se problemet në Shqipëri nuk duhet të jenë pengesë për Maqedoninë. Presidenti më shkroi dhe u sqaruam, por e vërteta është se ka një dallim të rëndë, për të ardhur keq për ne. Presidenti i Maqedonisë së Veriut është pjesë e përpjekjes së popullit të tij për të bindur vendet anëtare se duhen çelur negociatat; Presidenti i Shqipërisë është pjesë e përpjekjes për të krijuar një dyshim që të kthehet në bindje te disa nga vendet se Shqipëria nuk meriton çeljen e negociatave”, theksoi Rama.

Kreu i qeverisë shqiptare deklaroi se ka komunikuar edhe me kryeministrin e Maqedonisë së Veriut, Zoran Zaev: “Dje pata një komunikim me kryeministrin e Maqedonisë së Veriut dhe kur i thashë që do të isha në Pustec, më kërkoi që t’ju lexoja një mesazh që më dërgoi në telefon. Ky është mesazhi: Maqedonia e Veriut dhe Shqipëria janë dy partner të ngushtë. Ne punojmë së bashku për të mirën e qytetarëve tanë. Shumë shpejt do të jemi aleatë në NATO dhe e ardhmja jonë e përbashkët është në Bashkimin Evropian. Maqedonia e Veriut dhe Shqipëria janë vendet e njerëzve shumë të afërt me njëri-tjetrin. Jetojmë së bashku krah për krah, respektojmë njëri-tjetrin dhe dallimet tona dhe rrisim mirëqenien sepse qëndrojmë krah për krah, në të mirë dhe në të keq”.

A2 CNN Livestream

Dita jonë