Sekuestrohen rreth 1.5 mln euro pasuri në pronësi të Admir Muratajt dhe familjarëve të tij

Janë sekuestruar rreth 1.5 milionë euro pasur në pronësi të Admir Muratajt dhe familjarëve të tij nga Departamenti i Policisë Kriminale në bashkëpunim me Seksionin për Hetimin e Pastrimit të Parave dhe Aseteve Kriminale në DVP Tiranë, duke zbatuar vendimin e Gjykatës së Shkallës së Parë për Krime të Rënda Tiranë.

Admir Murataj është një nga autorët e grabitjes së Rinasit, i cili mbeti i vrarë.

Mësohet se sekuestro përfshin një vilë 3-katëshe e ndodhur në Prezë të Tiranës, me një sipërfaqe totale ndërtimi 300 m2 në emër të shtetasit Admir Muratajt, tokë truall me sipërfaqe 600.3 m2 afër Saukut, garazh me sipërfaqe 23 m2, blerë në vitin 2016, apartament me sipërfaqe 100.5 m2, apartament banimi në Sarandë, i porositur në datë 05.07.2012 tek një shoqëri ndërtimi, kundrejt shumës 90 000 euro, apartament, me sipërfaqe 71 m2, në emër të shtetases A. A. 9 automjete të llojeve të ndryshme relativisht të shtrenjta. Vlera e pasurive të sekuestruara llogaritet rreth 1,5 milion euro. Bëhet e ditur se pasuritë e sekuestruara janë lënë në administrim të Agjencisë së Administrimit të Pasurive të Sekuestruara dhe të Konfiskuara.

Shkarkoni aplikacionin e A2