Meta kërkon informacione për sigurinë në burgje

Presidenti Ilir Meta i ka dërguar një letër këtë të mërkurë drejtorit të Burgjeve për sistemin e sigurisë.

Burime për A2 CNN bëjnë të ditur se letra e Presidentit është dërguar pas vlerësimit të situatës në vend si tepër e tensionuar. Mësohet se Meta ka kërkuar të merren të gjitha masat për sigurinë në burgje.

Më herët, Meta i është drejtuar me një letër misionit të OSBE – ODIHR për zgjedhjet. Meta ka njoftuar misionin për dekretin që shfuqizoi dekretin e mëparshëm sipas të cilit zgjedhjet vendore do të mbaheshin në 30 qershor. Ai gjithashtu u ka bërë të ditur se procesi nuk mund të zhvillohet pa dekret nga Presidenti.

Në letrën që mban datën 19 qershor 2019 dërguar përfaqësuesve të OSBE – ODHIR, Presidenti Meta i njofton zyrtarët se nëse zgjedhjet do të mbahen në kundërshtim me dekretin do të jenë nul dhe të pavlefshme.

Shkarkoni aplikacionin e A2 CNN