Protesta e opozitës, Ambasada e SHBA: Nxisim qytetarët dhe institucionet të refuzojnë dhunën

Opozita do të dalë sërish ditën e premte në protestë në Kryeqytet. Ambasada Amerikane ka reaguar mbrëmjen e së enjtes, duke u bërë thirrje qytetarëve dhe institucioneve të mbështesin parimet e sundimit të ligjit, të refuzojnë dhunën në të gjitha format e saj.

“Shtetet e Bashkuara duan atë që meriton populli shqiptar: sundim të ligjit që mbron punonjësit civilë dhe shkollat nga sulmet e pakuptimta, që mbron integritetin dhe sigurinë e procesit zgjedhor, dhe që mban premtimin e së drejtës së qytetarit për të protestuar paqësisht ndërkohë që bën që ata që përfshihen në dhunë të mbajnë përgjegjësi.

Nxisim të gjithë qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike ndërkohë që lejojnë bashkëqytetarët e tyre të bëjnë të njëjtën gjë. Po ashtu, iu bëjmë thirrje organizatorëve të protestës së nesërme që të mbajnë përgjegjësi përballë po të njëjtave parime, t’iu bëjnë thirrje publikisht mbështetësve të tyre të mblidhen paqësisht si dhe të refuzojnë energjikisht dhunën në çdo mundësi”, mbyllet reagimi i Ambasadës Amerikane.

Shkarkoni aplikacionin e A2