PS miting në Shkodër, Ademi për A2 CNN: Aktiviteti është i paligjshëm

Në pedonalen e Shkodrës, Partia Socialiste ka njoftuar se do të mbajë një “miting madhështor” sot në orën 18:30, por Bashkia e Shkodrës nuk e ka miratuar kërkesën e Partisë Socialiste për zhvillimin e mitingut.

Kryetarja e Bashkisë së Shkodrës, Voltana Ademi foli për A2 CNN duke u shprehur se mitingu i sotëm është i paligjshëm në kushtet kur presidenti ka anuluar zgjedhjet.

“Aktiviteti i sotëm është i paligjshëm. Ne nuk jemi në kuadrin e një fushate elektorale. Me dekretin e Presidentit zgjedhjet nuk do të zhvillohen, si i tillë tubimi është i paligjshëm. Është informuar në mënyrë zyrtare Drejtoria e Policisë dhe Partia Socialiste. I gjithë sheshi është i mbushur me banderola për aktivitete që ne zhvillojmë gjatë gjithë verës, por edhe për sezonin turistik tashmë të nisur”, u shpreh Ademi.

Shkarkoni aplikacionin e A2