Pas Shqipërisë, gjigantët italianë të Milanit do të zbresin edhe në Kosovë.
Ekipi kampion i Feronikelit ka zyrtarizuar miqësoren e luksit me një nga skuadrat më të titulluara në botë, takim që do të luhet në datën 10 gusht.
Një ndeshje e cila pa dyshim do të kthehet në festë për futbollin kosovar që do të presë në stadiumin “Fadil Vokrri” të Prishtinës yje të futbollit botëror.
Jo vetëm kaq, sepse pak ditë më vonë do të jetë përfaqësuesja kosovare ajo që do të udhëtojë drejt Anglisë për eleminatoret e Kampionatit Evropian, në një tjetër supersfidë prestigjoze.