Pasi u prit nga Kryeministri Edi Rama, ish-Presidenti i Francës, Nicolas Sarkozy, mësohet se ka zhvilluar një takim edhe me Presidentin Ilir Meta.
Mësohet se Meta ka vlerësuar marrëdhëniet e shkëlqyera tradicionale midis dy vendeve tona. “Mirënjohje për mbështetjen e gjithanshme që Franca ka dhënë ndër vite, në proceset e integrimit euroatlantik të Shqipërisë. Në rrugëtimin e saj europian, Shqipëria do të vazhdojë të mbështetet te Franca”, është shprehur Meta.
Së bashku me Kryeministrin Rama, Nicolas Sarkozy dhe Carla Bruni do të jenë të pranishëm në koncertin që do të mbahet në mbrëmjen në Butrint.