Kosova triumfon në sportin e xhudos. Kampionia olimpike, Majlinda Kelmendi, fitoi medaljen e artë në Lojërat Europiane “Minsk 2019”, pasi mposhti rivalen e saj ruse.
Të dyja xhudistet garuan në kategorinë deri ne 52 kilogramë. Kjo është medalja e parë e artë në historinë e Kosovës në Lojërat Europiane, që regjistron dy pjesëmarrje në këtë kompeticion.
Për Majlindën kjo ishte medalja e katërt e artë. Ndërkohë në Bjellorusi, triumfoi dhe xhudistja tjetër e Kosovës, Nora Gjakova, e cila në kategorinë deri ne 57 kilogramë arriti të fitojë medalje të argjendtë.