Reforma në drejtësi, Soreca takon kreun e KLP: SPAK sa më shpejt funksional

Ambasadori i Bashkimit Europian, Luigi Soreca, vijoi takimet në kuadër të zbatimit të reformës në Drejtësisë.

Përfaqësuesi i Brukselit priti në zyrën e tij kreun e Këshillit të Lartë të Prokurorisë, Gent Ibrahimi, që e njohu me ecurinë e fazës finale të përzgjedhjes së kandidaturave për Strukturën e Posaçme anti-korrupsion.

“Është thelbësore – shkruan ambasadori Soreca në Twitter – që SPAK të jetë funksional sa më shpejt të jetë e mundur, për të përforcuar edhe më shumë aftësinë e Shqipërisë në luftën kundër korrupsionit dhe krimit të organizuar”.

Një ditë më parë, Soreca priti në takim edhe kreun e Këshillit të Emërimeve në Drejtësi, Adrian Dvorani, duke kërkuar që të ngrihet sa më shpejt Gjykata Kushtetuese.

Shkarkoni aplikacionin e A2