Oerd Bylykbashi komentoi raportin paraprak të OSBE/ODIHR për zgjedhjet e 30 qershorit, duke e vlerësuar atë si më të fortin në 20 vitet e fundit.
“Mungesa e zgjedhjes i ka bërë këto zgjedhje nul. ODIHR i tha shqiptarëve se ata nuk patën mundësi për të zgjedhur dhe se kandidatët e qeverisë nuk kishin rivalë, por pavarësisht kësaj qeveria nuk mori në konsideratë të drejtën për të zgjedhur.
ODIHR deklaroi pas asnjë ekuivokë se e vetmja gjykatë për të shqyrtuar dekretet e presidentit të Republikës është Gjykata Kushtetuese. Sipas ODIHR, Kodi Zgjedhor u dhunua. Kjo është deklarata paraprake më e fortë dhe më e ashpër që ka bërë ndonjëherë në 20 vitet e fundit OSBE/ODIHR, duke kritikuar rëndë rolin e qeverisë. Kjo deklaratë bëri nul të gjitha përpjekjet e Ramës dhe organizimin e një farse zgjedhore më 30 qershor”, u shpreh Bylykbashi.