Pas aventurës së sezonit që lamë pas te PSG, legjenda italiane e portës Gianluigi Buffon është kthyer në shtëpinë e tij, tek Juventusi.
41-vjeçari mbërriti mëngjesin e kësaj të enjteje në Torino për të kryer vizitat mjekësore, atje ku u prit me ngrohtësi nga qindra tifozë bardhezinj.
Buffon do të nënshkruajë një kontratë 1-vjeçare me “Zonjën e Vjetër”, ku do të qëndrojë si portier i dytë ndërsa synon një post drejtuesi në përfundim të sezonit.
Ish-numri 1 i portës së Juventusit do të provojë për herë të fundit të ngrejë lart trofeun e Champions League, ndër të paktët tituj që mungojnë në “palmaresin” e tij.