Ndërsa yjet e Barcelonës ende nuk i kanë mbyllur pushimet e verës, stadiumi “Camp Nou” është shndërruar në një kantier ndërtimi.
Në fotot e publikuara nga mediat spanjolle, tapeti i blertë është hequr i gjithi, megjithatë sipas drejtuesve të Barcelonës, punimet do të përfundojnë brenda muajit korrik.
Kampionët e Spanjës pritet të grumbullohen të hënën e ardhshme, ndërsa Lionel Messi do t’i bashkohet më vonë skuadrës duke qenë se ishte i angazhuar në Kupën e Amerikës.