Ngjela: Kam të dhëna, edhe në Kosovë punohej për destabilizim – A2

Ngjela: Kam të dhëna, edhe në Kosovë punohej për destabilizim

10 KORRIK LAJME ORA 09 00 SPARTAK NGJELA frame 14916 1100x620

Teksa foli për zgjedhjet e 30 qershorit në Shqipëri, avokati Spartak Ngjela u shpreh se mund të krijohej një pështjellim shoqëror.

Ai theksoi se më pas mund të krijohej një reaksion zinxhir dhe në Kosovë. Ngjela shprehet se destabilizim nuk synonin vetëm politikanët në vendin tonë, por një gjë e tillë synohej edhe në Kosovë. Për këtë, ai thotë se ka të dhëna.

“Beteja e 30 qershorit, forcat e korruptuara në Shqipëri, nëpërmjet atij elektorati që kanë, me motive false për zgjedhjet e lira, të krijonin një pështjellim shoqëror. Nga pështjellimi shoqëror mund të krijohej një reaksion zinxhir dhe në Kosovë. Ata donin një destabilizim, por ky destabilizim duhej edhe në Kosovë. Unë kam të dhëna se edhe atje punohej për këtë punë, por jo sa këtu. 30 qershori ishte ‘Thembra e Akilit’”, u shpreh Ngjela në Ditarin e orës 09:00 në A2 CNN.